Чүпрәледә кыска вакытлы ялга кайткан хәрбиләрне каршы алдылар

Чүпрәле районында бүген, 2023 елның 14 апрелендә, кыска вакытлы ялга кайткан мобилизацияләнгән ир-егетләрне каршы алдылар. Хәрбиләр утырган автобуслар традиция буенча "Дуслык" кафесы янында тукталыш ясады. Кайтучыларны  хакимият вәкилләре, гаиләләре, туганнары һәм якыннары славянка көенә каршы алды.

Бу-Чүпрәле районына махсус хәрби операция зонасыннан ялга  кайтучы икенче төркем ир-егетләр.  Беренче төркем  ял итеп, көч җыеп, шушы көннәрдә янә махсус хәрби операция зонасына юл тотты.

Чүпрәле районы башлыгы Марат Гафаров мобилизацияләнгән ир-егетләрне шәхсән үзе каршы алды, кайтулары белән котлады.

Шатлыклы күз яшьләре, көләч йөзләр, җылы кочаклар... Алда хәрбиләрне ике атналык ял, мәктәпләрдә һәм, әлбәттә, район башлыгы белән очрашулар көтә..