Чүпрәле районы Иске Чокалы авылында су челтәре төзелә
Иске Чокалы авылы соңгы арада төзелеш мәйданына әйләнде. Авыл янындагы елгада сусаклагыч (плотина) ясала, урам утлары рәтләнгән, чишмә төзекләндерелә башлаган, үзсалым акчасына авыл эчендәге юллар тәртипкә китерелә. Һәм иң көтелгәне - авыл йортларына эчәргә яраклы су кертелә. "Барлык эшләрне дә сумнарда исәпләсәң безнең авылга быел 55 млн. сумнан артык капитал салу каралган", -ди авыл башлыгы Рәмис Низаметдинов.
