Чүпрәледә яшәүче Фәһимә апа Хәмитованы 90 яшьлеге белән котладылар

Бүген, 2024 елның 3 гыйнварында, ТР Чүпрәле районында чираттагы озын гомерле өлкәнен котладылар. Исегезгә төшерәбез, кичә Хорновар-Шигали авылында яшәүче өлкән ханым 95 яшьлеген билгеләде.

Чүпрәле районының Зур Чынлы авылыннан Фәһимә Нургали кызы Хәмитова бүген үзенең 90 яшьлек юбилеен билгеләп үтә. Юбилярны туган көне белән котларга Башкарма комитет җитәкчесе урынбасары Радик Багаутдинов һәм авыл җирлеге вәкилләре килде. Кунаклар бүләкләр һәм котлаулар тапшырдылар, сәламәтлек һәм туганнары һәм якыннары игътибарын теләделәр.

Фәһимә Нургали кызы күп балалы гаиләдә туган. Ул гаиләдә өченче бала була, барлыгы сигезәү булалар

Юбилярның әтисен сугышка алалар, аннан ул 1944 елда яраланып кайта. Фәһимә апа нибары 5 сыйныф  укый. Басуда, колхозда эшли. 

1956 елда авылдашы Сафиуллага кияүгә чыга. Гаиләдә ике кыз туа. Ире белән бергә алар 52 ел бәхетле яшәгәннәр. 

Бүген авыл өлкәне ялгыз яши, кызлары гаиләләре белән Ульяновск шәһәрендә һәм Казанда торалар. Юбилярның 4 оныгы һәм 7 оныкчыгы бар. 

Фәһимә апа үзенең бертуганнарының исән һәм сәламәт булуы белән дә бәхетле. Бер кыз һәм ир туганы авылда яшиләр, калганнары  Ульяновск өлкәсенең Цильна районында. Алар бик дус һәм һәрвакыт бергә җыелалар.

Бүген дә туганнар бердәм булып, мул табыннар артына җыелышып, якын кешеләрен гомер бәйрәме белән котладылар.