Гөлмиҗамал әбигә 95 яшь тулды

Дөньяның әчесен-төчесен кичергән ак әбине гомер бәйрәме белән авыл җирлеге башлыгы Рамиль Мостафин, Ульяновск шәһәренә барып, тәбрикләде.

-Мине онытмаганнары өчен олы рәхмәтләремне белдерәм,-дип, шатлык-куанычын яшерми Гөлмиҗамал әби. Гомер буе тырыш хезмәте белән хөрмәт казанган әби бүген дә хәрәкәттә-бәрәкәт дип, ил-көнгә дога кылып яши. Алар ире-Бөек Ватан сугышы ветераны Әсадулла абый белән җиде бала үстергәннәр. Бүгенге көндә өч баласы һәм тормыш иптәше гүр ияләре. Гөлмиҗамал әби исә Ульяновск шәһәрендә кызы Миңнур тәрбиясендә бәхетле картлык кичерә.