Әти-әнисе өчен горурлык ул

Яшьтән үк нык, физик әзерлекле үсте ул. Мәктәптә һәм Ульяновск дәүләт техник университетында укыган елларында да спорт ярышларында катнашмый калганы булмады аның. Бигрәк тә җиңел атлетиканы ярата иде. Факультетлар арасында призлар яулавы да егеткә канатлар куйды. Хәрби комиссариатка чакыргач та, ул үзен элиталы частькә җибәрүләрен сорады. "Инженер" белгечлеге булган егетне Төньяк Кавказ регионына озаталар. Монда ул техник рота составында бик җаваплы хезмәт башкара. Әле шушы көннәрдә генә якташыбыз Фәнис Вәлив үзе хезмәт иткән ротаның старшинасы итеп билгеләнде. Офицерлар аның хезмәтеннән бик канәгать, Түбән Каракитә авылында яшәүче әти-әнисе дә уллары белән урынлы горурланалар.