Туган Як
  • Рус Тат Чув
  • Чүпрәледә Фәнис Загреев кубогына хоккей турниры узды

    Ел саен үткәрелеп килүче әлеге турнир быел Ватанны саклаучылар бәйрәменә туры килде.

    Спорт яратучы ир- егетләр өчен әлеге чара менә дигән бүләк булгандыр. Чөнки һава торышы чагыштырмача салкынчарак торуга да карамастан, үзәк стадиондагы халыкның күпчелеген җанатар яшүсмерләр һәм ир- егетләр тәшкил итте. Быелгы турнирны ачуга Казан шәһәреннән Татарстан Республикасының хоккей федерациясе башкарма директоры, Россия Федерациясенең спорт остасы һәм "Ак Барс" командасы составында Россия чемпионы булган Кирилл Голубев һәм аның урынбасары, легендар хоккейчы Сергей Закамский да килгән иде. Турнирга мондый кунакларның кайтуы үзе үк Фәнис Загреевның никадәр авторитетлы спортчы булуы хакында сөйли. 1992, 1993 һәм 1994 елларда ул Чүпрәле районы хоккейчыларының җыелма командасы составында уйнап, авыл районнары арасында республика чемпионы була. Районда балалар һәм яшүсмерләр спорт мәктәбен оештыра. Автоавариягә юлыгып һәлак булганчыга кадәр ул район спортчыларының иң якын дусты һәм ихтирамлы тренеры иде. Хоккей турниры башланыр алдыннан муниципаль район башкарма комитеты җитәкчесе урынбасары Айрат Җәлалов Фәниснең тормыш иптәше Эльвирага истәлек бүләге тапшырды, нык исәнлек һәм бәхетле озын гомер теләде. Турнирның барлык уеннарыннан соң Иске Чүпрәле авылының 1 номерлы командасы җиңүче дип билгеләнде.

    Иң мөһим һәм кызыклы язмаларны Татмедиа Telegram-каналында укыгыз


    Теги: хоккей
    Нравится
    Поделиться:
    Реклама
    Комментарии (0)
    Осталось символов: