Туган Як
  • Рус Тат Чув
  • Чүпрәледә “Шашка-шахмат сөючеләр клубы” оешты

    Җәмгыятебездә сәламәт яшәү рәвеше алып баруга зур игътибар бирелә. Район күләмендә үткәрелүче күп төрле спорт чаралары, балалар һәм яшүсмерләр өчен төрле спорт секцияләре, түгәрәкләр эшләп килүе шуның ачык мисалы. 20 апрель көнне исә район балалар иҗат йортында шахмат-шашка сөюче ветераннар катнашында үткән җыелышта "Шашка-шахмат сөючеләр клубы"на нигез салынды.

    Җыелышта район Башкарма комитеты җитәкчесе урынбасары Айрат Җәлалов, район спорт комитеты җитәкчесе Руслан Вилданов, шахмат һәм шашка буенча район филиалы җитәкчеләре Илмас Шиһабетдинов һәм Азат Мөхәррәмов, шахмат-шашка сөюче ветераннар катнашты.

    -Бүген район тарихына кереп калырлык истәлекле көн-"Шахмат-шашка сөючеләр клубы" нигезенә беренче таш "куела",-диде район ветераннар советы рәисе Роберт Закиров җыелышны ачып.

    Район Башкарма комитеты җитәкчесе урынбасары Айрат Җәлалов шахмат-шашка сөюче ветераннарны район башлыгы Александр Шадриков исеменнән тәбрик итеп, районда спортның шашка-шахмат төрен популярлаштыру эшендә уңышлар теләде, район иҗат йортында спортның әлеге төре белән шөгыльләнү өчен бөтен мөмкинлекләрнең булуын билгеләде һәм җәй көннәрендә шахмат һәм шашка турнирларын "Чыгарылышлылар паркы"нда да үткәрү мөмкинлеге булуын ассызыклады.

    Җыелышта "Шахмат-шашка клубы"ның җитәкчесе итеп бертавыштан Ханбик Камалов сайланды. Клуб атнасына өч көн: сишәмбе, пәнҗешәмбе һәм шимбә көннәрендә, көндезге сәгать икедән (14.00 сәгать) алып кичке җидегә кадәр эшләячәк. Бирегә шахмат-шашка белән шөгыльләнүче, укучымы ул яисә өлкән яшьтәме, һәркем килә ала.

    "Шәһәрләрдә шахмат клублары күптәннән эшләп килә. Биредә өлкән яшьтәгеләр, пенсионерлар буш вакытларын үткәрә. Дөрес эшлиләр, борчу-мәшәкатьләреңнән арынып, ял итеп, шул ук вакытта акыл сәләтеңне үстерергә ярдәм итүче урыннар булганда, нишләп әле йөрмәскә ди",-диделәр ветераннар бертавыштан куанып. Яңа гына оешкан "Шахмат-шашка клубы"на инде иганәчеләр ярдәм дә итәргә өлгергәннәр. Эшмәкәр Элмас...-3, Барис Гафуров 4 данә шахмат-шашка җыелмасын бүләк иткәннәр. Җыелыш ахырында бертөркем шахмат-шашка сөюче ветераннар шахмат буенча көч сынаштылар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: