1 март көнне Чувашия Республикасының Шомыршы районында, гомуми белем бирү мәктәпләре укучылары арасында чаңгыда узышу буенча ярышлар булып үтте.
Анда тренерлар С. Еремеев, М. Чернов, балалар һәм яшүсмерләр спорт мәктәбе директоры Н. Хрисанов җитәкләгән Чүпрәле районының җыелма командасы да катнашты. Команда составын Чуваш Чүпрәлесе, Уби, Алешкин- Саплык һәм Яңа Уби мәктәпләреннән 1997- 1998 елларда туган кызлар һәм 1999- 2002 елларда туган яшүсмер укучылар тәшкил итте. Уби мәктәбеннән А. Дергунов һәм А. Чернов икенче һәм өченче урыннарны яуладылар. И. Колпаков, К. Спиридонов, А.Макаров, Ю. Самандеев, А. Максимов, М. Ефимова, Т. Моисеева яхшы күрсәткечләргә ирештеләр. Уби мәктәбеннән В. Спиридонова өч километрлы араны иң кыска вакытта үтеп беренчелекне яулады.
Иң мөһим һәм кызыклы язмаларны Татмедиа Telegram-каналында укыгыз
