Туган Як
  • Рус Тат Чув
  • Бакчада спорт бәйрәме

    2 номерлы "Әкият" балалар бакчасында спорт бәйрәме үтте.

    Әзерлек төркеменә йөрүче балалар бу көнне бер-берсе белән ярышып кына түгел, ә 11 сыйныфта укучы, спорт чараларында актив катнашучы Фәнис Хәйруллин (рәсемдә) белән дә очраштылар.

    Фәнис Хәйруллин балаларга үзенең шушы балалар бакчасында тәрбияләнүен, шушында балачагын үткәрүен сөйләде. Бу исә балаларда аеруча кызыксыну тудырды.

    -Сәламәт һәм нык чыныккан булу өчен күп тырышлык кирәк. Һәркөнне иртән зарядка ясарга, хәрәкәттә булырга тиешсез,-диде Фәнис балаларга киңәшләрен биреп һәм үзенең спорт буенча ирешкән уңышларын сөйләде.

    Актлар залында балалар белән төрле спорт чаралары үткәрелде. Анда барлык тәрбиячеләр, әти-әниләр дә катнашты. Бу вакытта шатлык куанычлары чиксез иде, һәркемнең җитез, беренче булып җиңәсе килде.

    Балалар бакчасында менә шулай яңа уку елы күңелле итеп башланып китте.

    -Үскәч без дә спортчы булабыз,-дип балалар Фәнис абыйларын озатып калдылар.

    Иң мөһим һәм кызыклы язмаларны Татмедиа Telegram-каналында укыгыз


    Теги: спорт
    Нравится
    Поделиться:
    Реклама
    Комментарии (0)
    Осталось символов: