Дзюдо көрәше

автор, 1 ноябрь 2012 - 10:37

693

Шушы көннәрдә Буа районында дзюдо көрәше буенча ачык турнир үткәрелде. Әлеге чарада Апас, Буа, Тәтеш, безнең һәм башка районнар катнашты.

Ярышта төп көрәшчеләр булып 1994 ел һәм аңа кадәрге елларда туучы яшүсмерләр торды. Әйтергә кирәк, көндәшләр чыннан да нык физик әзерлек белән килгәннәр иде. Шулай да безнең район командасы әлеге ярышларда гомумкоманда буенча II урынны яулауга иреште. Ярышчылар арасында Ләйсән Хәйруллина-I урынны, Фәнис Хәйруллин-III урынны, Әскар Сардаров-II урынны, Газрат Мамедов-I урынны, Илназ Вәлиуллов-I урынны алдылар.