Чүпрәле өлкәннәре спартакиадада ярышты

Әлеге чара Физик культура һәм спорт комитеты белән "Россия пенсионерлар берлеге" җәмгыяте тарафыннан оештырылды. Анда республиканың һәр районыннан командалар килгән иде. Ярышларның шарты буенча ир-атларның яше - 60, хатын- кызларныкы 55 яшьтән азрак булмаска тиеш иде. Шулай итеп, өлкәннәр - җиңел атлетика, дартс, өстәл теннисы, шахмат, йөзү, катнаш эстафетада көчләрен сынады. Безнең район данын 12 кешедән торган команда яклады. Аерым спортчыларыбыз яхшы нәтиҗәләргә дә ирештеләр. Шахмат буенча- Шамилә Федорова, атуда- Расих Вильданов, җиңел атлетика- Эльмира Айметдинова һәм йөзү буенча Җәүдәт Хамдиев үзләренең җитез спортчы булуларын расладылар. Гомуми күрсәткечләр буенча без җиденче урынны яуладык. Командабызны спорт киемнәре белән тәэмин итүдә һәм ярышларга баруда матди ярдәм күрсәткәне өчен район башлыгы Александр Шадриковка ихлас рәхмәтебезне җиткерәбез.