Туган Як
  • Рус Тат Чув
  • Чүпрәле районында Халыкара туган тел көненә багышланган чара узды

    Сәхнәдә төрле телләрдә җырлар яңгырады, катнашучылар танылган шагыйрьләрнең шигырьләрен яттан сөйләделәр.

    Чүпрәле районы күпмилләтле, биредә 16 милләт вәкилләре дус һәм тату яши, район халыклары дуслыгы йортында дүрт милли мәдәният үзәге-татар, чуваш, рус, үзбәк мәдәниятләре үзәге эшли.

     Халыкара туган телләр көне алдыннан, район мәдәният йортында милли район фестивале булып узды.  Аның максаты-Чүпрәле районында яшәүче халыкларның туган телен саклау һәм милли мәдәниятләрен үстерү.

    Фестиваль кунаклары өчен үзәк китапханә хезмәткәрләре, шулай ук Гөлфия Яфизова җитәкчелегендәге «Ак калфак» җирле бүлеге тарафыннан  кул эшләре осталарының күргәзмәләре оештырылды, үзешчән сәнгать иҗатының барлык жанрлары тәкъдим ителде.

    Фестивальне ачып, район Башкарма комитет җитәкчесенең социаль мәсьәләләр буенча урынбасары Айрат Җәлалов Халыкара туган тел көнен оештыру тарихы турында искә төшерде.

    - 1999 елның ноябрендә ЮНЕСКО Генераль конференциясе тарафыннан игълан ителгән Халыкара туган тел көне һәр елны 2000 елның 21 февраленнән тел һәм мәдәни төрлелеккә һәм күптеллелеккә ярдәм итү өчен билгеләп үтелә. Бу бәйрәм безгә бик якын, чөнки безнең районда берничә милләт дус һәм тату яши. Тел-ул халык рухы, зур байлык. Туган телебез ярдәмендә без гореф-гадәтләребезне саклап кала алабыз һәм безнең бурыч-бу байлыкны саклап калу гына түгел, ә киләчәк буынга тапшыру, - дип билгеләп үтте Айрат Җәлалов.

    Сәхнәдә төрле телләрдә җырлар яңгырады, катнашучылар танылган шагыйрьләрнең шигырьләрен яттан сөйләделәр. Районда яшәүчеләрнең милли колориты мәдәният йорты хезмәткәрләренең хореографик башкаруында да чагылыш тапты.

    Һәр чыгыш матур һәм үзенчәлекле булды. Матур милли костюмнар, артистлык, чыгыш ясаучыларның искиткеч вокал мәгълүматлары тамашачыларны таң калдырды.

    Мондый чаралар безнең районда яшәүче халыкларның туган телен һәм мәдәниятен саклап калуга гына булышып калмый, аларны берләштерә, алар арасында дуслыкны һәм аңлашуны ныгыта.

    ФОТОЛАР

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: