Халык театрлары фестивале

Аның беренче өлеше районара төбәкләрдә үткәрелде. Шулай итеп күп кенә авыл-район театрлары үз тамашаларын күрсәтте дә инде.

Шушы көннәрдә Буа районында Гөлшат Зәйнәшеваның "Кем гүзәл?" әсәре буенча эшләнгән спектакль белән безнең район мәдәният йорты хезмәткәрләре дә чыгыш ясадылар һәм Рәхмәт Хаты белән бүләкләнделәр. Тамашалар әлегә дәвам итә, жюри тарафыннан нәтиҗәләр соңрак билгеле булачак. Аларның иң уңышлы дип саналганнары исә Казанда күрсәтеләчәк.