Бәйрәм һәм мәдәни чаралар

Төрле милләт вәкилләренең бергәләшеп Мәскәүне илбасарлардан азат итүе Ватанга куркыныч янаган очракта халыклар арасындагы бердәмлекнең көчен ачык чагылдыра. Әлеге бәйрәм республикабызда Конституция кабул иткән көннәргә дә туры килә. Шул рәвешле илкүләм әһәмиятле тарихи көннәр илебездә һәм республикада ял бәйрәмнәре буларак бил-геләнә.

Бу уңайдан район күләмендә төрле бәйрәм чаралары да үткәрү күздә тотыла. Барлык авыл мәдәният йортларында ял кичәләре, уңыш бәйрәмнәре оештырылу планлаштырыла. Район мәдәният йортында бәйрәм кысаларында 3 ноябрь көнне 19.00 сәгатьтә яшьләр арасында тарихи мәдәни-мирас белемнәрен барлау максатыннан интеллектуаль уен, 4 ноябрь көнне-"Көзге бал", 5 ноябрь көнне-Халыкара бердәмлек көненә багышланган концерт, 6 ноябрь көнне-дискотека үткәреләчәк.