Техника паркында ниләр бар?

«Гостехнадзор»ның Чүпрәле районы буенча баш дәүләт инженер-инспекторы Илдар Шәйхаттаров сүзләренә караганда, шушы көннәрдә районның тармак технологияләре техникумында һәм «Мәхмүтов И.Ф» исемендәге крестьян-фермер хуҗалыгында техник карау узган. Техникумда техник карауга биш берәмлек үзйөрешле укыту техникасы тәкъдим ителгән һәм аларның торышы норматив-техник таләпләргә дә, шулай ук конструктив документларга да туры килә. «Мәхмүтов И.Ф.» исемендәге крестьян-фермер хуҗалыгының машина-трактор паркында тугыз берәмлек техника: көпчәкле җиде трактор һәм “Полесье – 12-18” маркалы ике ашлык суктыру комбайны бар.

–Техник карау вакытында тышкы яктырту приборларының, идарә итү руленың һәм тормоз системасының төзеклегенә аерым игътибар бирелде. Механизаторлар да тиешле категориядәге тракторчы-машинист таныклыгының булу-булмавы тикшерелде. Барлык техника да ут сүндергеч һәм медицина аптечкалары белән тәэмин ителгәнме-юкмы – шулар каралды. Шулай ук, тракторларны тагылма агрегат белән куркынычсыз эксплуатацияләү мәсьәләсе дә  читтә калмады», - ди баш дәүләт инженер-инспекторы.