«Татмедиа» газета-журналларына ташламалы язылу декадасы башланды

3 декабрьдән РФ почта бүлекчәләрендә 2021 елның 1 нче яртыеллыгына ташламалы язылу декадасы старт алды. Бу чорда «Татмедиа» АҖ барлык газета – журналларына 13% ташлама белән язылу рәсмиләштерергә мөмкин булачак. Ташламалы язылу декадасының инициаторы булып  "Россия Почтасы" акционерлык җәмгыяте тора.

Декада вакытында татарстанлыларга "Татмедиа"АҖнең вакытлы басмаларына: "Сөембикә", "Идел", "Казан утлары", "Казан", "Казанские ведомости", "Татарстан", "Салават күпере", "Сабантуй", "Ялкын", "Көмеш кыңгырау" һәм район газеталарына ташламалы бәядән язылу мөмкинлеге бар. Шул исәптән Чүпрәле районы газеталары  «Туган як», «Таваен ен» газеталарына 669 сумнан языла аласыз.

Газета - журналларга язылу илнең барлык почта бүлекчәләрендә рәсмиләштерелә. Шулай ук  tatmedia.ru/podpiska сайтында онлайн-язылырга мөмкин.

Хөрмәтле укучыларыбыз! Безнең белән калыгыз, район һәм республика вакыйгалары турында хәбәрдар булыгыз!