Сабантуй бәйрәмендә «Туган як» һәм «Таван ен» газеталарына язылу оештырылды

Бүгенге Сабантуйда «Туган як» газетасы редакциясе 2024 елның 2 яртыеллыгына язылу оештырды. 

Беренчеләрдән булып Яңа Чүпрәледән Радик Сафин газетага язылу рәсмиләштерде.

—Район газетасын элек-электән яратып укыдым, язылмыйча калганым юк. Быел менә Сабантуй бәйрәмендә язылу насыйп булган, — диде ул.

Шулай ук китаплар һәм балалар әдәбияты да сату оештырылды.

—Оныгым өчен алдым. Китаплар бик матур итеп эшләнгән, иң мөһиме татр һәм рус телләрендә,- ди Ульяновск шәһәреннән кайткан якташыбыз Рәшит Арифуллов.

Хөрмәтле дуслар! Райондашлар! 10-20 июньдә ташламалы язылу декадасы уза. Декадада катнашуыгызны сорыйбыз, почта бүлекчәләрендә, редакциядә һәммәгезне көтеп калабыз1

Хат ташучылар аша яраткан газетабызга язылырсыз дип ышанып калабыз!