Иң яхшы экогаилә Кырымга юллама белән бүләкләнә

Бәйге “Экомәктәп”,  “Экогаилә”, “Экопредприятие”, “Эковуз”, “Экобакча” (балалар бакчалары өчен), “Экоҗәмгыять” (иҗтимагый экологик оешмалар, берләшмәләр өчен), “Экоүзәк” (шәһәр балалар экологик-бирологик үзәкләр өчен) номинация­ләре буенча үткәрелә.

Конкурста катнашу һәм җиңү яулау өчен  өмәләрдә, экологиягә багышланган төрле чараларда катнашырга, аннан чара вакытындагы  фотосурәтләрне, видеоларны инстаграмга #эковесна2018 хештегы белән урнаштырырга кирәк. Әлбәттә, инстаграмда Татарстан Республикасы Экология һәм табигый ресурслар министрлыгына язылу мөһим. Бәйге кысаларында агачлар утырту, сыерчык оялары ясау буенча төрле акцияләр уза, мәктәп­ләрдә экологиягә багышланган дәресләр үткәрелә, укучыларга Татарстанның флорасы һәм фаунасы турында сөйләячәкләр. «ЭКОяз 2018» йомгаклары буенча “Экогаилә” номинациясендә җиңүчегә Кырымга юллама бүләк ителәчәк.