Чүпрәледә штраф түләмәгән 54 шофер җавапка тартылды

Анда юл хәрәкәте кагыйдәләрен бозган өчен машина йөртүчеләргә бирелгән штрафларны вакытында түләмәгән өчен җаваплылыкка тарту турында әйтелә. Гаепләнүчеләрнең “хәленә” керү максатыннан Хөкүмәт яңа закон да кабул иткән иде. Штрафың белән 20 көн эчендә исәп - хисап ясыйсың икән, ул вакытта штраф суммасының 50 процентын гына түләргә туры килә. Ә менә билгеләнгән вакытта, яъни 60 көн дәвамында да гөнаһыннан арынмаучылар ул сумманы икеләтә арттырып түлиячәкләр. Әлбәттә, намуслы шоферлар бу өчен бик кулай. Тик нигәдер машина йөртүчеләрнең кайберләре моны аңлап җиткерми. Автоинспекция бүлекчшсе начальнигы, полиция майоры Анатолий Михайловның әйтүенә караганда, быелның үткән чорында гына да әлеге маддә буенча 54 шофер җаваплылыкка тартылган. Шуларның сигезе мәҗбүри эшкә тартылган, ә калганнары штраф суммасын икеләтә арттырып түләгән.