Чүпрәледә Май чабу бәйрәме - 2021: төрле уеннар, күңел ачулар, кайнар коймак

Якшәмбе, 7 март көнне, Иске Чүпрәле авылында "Чүпрәле" паркында кыш белән хушлашуга багышланган традицион Май чабу бәйрәме узачак. 

Оештыручылар сүзләренә караганда, бәйрәм күңелле  булыр дип көтелә.  Бәйрәм кунаклары һәм халкы өчен мәдәният хезмәткәрләре тарафыннан оештырылган бай программа әзерләнәчәк.

Кыш белән  саубуллашу һәм язны каршылауга багышланган  театральләштерелгән уен тамашасын күрсәтеләчәк. Шулай ук  конкурс-уен программасы оештырылачак. 

Катнашучыларны тәмле коймак һәм кайнар чәй белән сыйлаячаклар.