Чүпрәле районында алдан тавыш бирү өчен 6 участок оештырылган

Тавыш бирү участоклары иртәнге 8 дән кичке 8 гә кадәр эшләячәк. Һәр сайлаучыга икешәр бюллетень бирелә: бер мандатлы округлар буенча һәм бердәм сайлау округы буенча кандидатлар исемлеге белән. Бюллетеньнәрдәге бер, берничә яки барлык кандидатлар өчен дә тавыш бирергә була. Алдан тавыш бирү нәтиҗәләренә карап 2019 елның 8 сентябрендә узачак сайлауларга Татарстан Республикасы Дәүләт Советына депутатлыкка кандидатларның ахыргы исемлеге формалаштырылачак.

«Бердәм Россия»дән депутатлык мандатларына дәгъва кылучылар исемлегендә  225 кеше теркәлгән. Болар – сәясәтчеләр, иҗтимагый һәм яшьләр оешмалары нәшатлылары, укытучылар, табиблар, юристлар, эшмәкәрләр, вазифаи затлар. «Бердәм Россия» яңа команда булдыру юлында.

Алдан тавыш бирүгә чүпрәлеләр дә иртән үк кушылды. Сайлау участокларына халык гаиләләре, балалары белән килә.