Чүпрәле районы Марс авыл җирлегендә яңа җитәкче

Авыл җирлеген биш ел дәвамында Рамиль Мостафин җитәкләде. Һәм менә шушы көннәрдә генә әлегә кадәр авыл башлыгы булып эшләгән Рамиль Мостафин шәхси гаризасы нигезендә эшеннән азат ителде. Бу турыда район башлыгы Марат Гафаров авылда узган халык җыенында игълан итте. Авыл башлыгы вазифасын кем башкарачыгы турында да билгеле булды – ул Рәфыйк Җамалтдинов.  Р. Җамалтдинов, Югары Каракитә авылында туган, авыл җирлеге Советы депутаты, шәхси эшмәкәр.

Марат Гафаров Рамиль Мостафинның да биш еллык хезмәтен югары бәяләде, аңа  яңа вазифасында уңышлар теләде. Шул ук вакытта авыл башлыгының эше җиңел түгеллеген ассызыклап, авылдашларының Рәфыйкъ Җамалтдиновка ярдәм итәчәкләренә ышануы турында әйтте.