Чүпрәле өлкәннәре янында интернат-йортта булып кайттылар

Барыбызга да озын һәм бәхетле тормыш яшисе килә. Язмыш нинди картлык әзерләгәнен уйламыйбыз. Кемдер үз гомерен туган йортында исән-сау яши, ә кемгәдер калган көннәрен  картлар интернат-йортында үткәрергә туры килә.
Чүпрәле районыннан шундый социаль учреждениеләрдә, Буада - 13 өлкән кеше, Тәтештә-икәү, Нурлатта –берәү яши
Өлкәннәр декадасында республиканың интернат-йортларында яшәүче өлкән яшьтәге якташларының хәлен белешү матур традициягә әйләнде.
 Буа өлкәннәр һәм инвалидлар өчен интернат-йортында Иске Чүпрәле авыл җирлеге башлыгы урынбасары Рамил Низамов булып кайтты. Барлык якташларга район хакимияте исеменнән бүләк - азык-төлек җыелмалары әзерләнгән иде.

Рамил Низамов аларның яшәү шартлары белән танышты, җылы сүзләр һәм теләкләр җиткерде. Җавап итеп, өлкәннәребез дә рәхмәт сүзләре белдергәннәр һәм иң изге теләкләр җиткергәннәр.