Чүпрәле өлкәне район башлыгы белән видеоэлемтә буенча аралашты

Гөлия Фәизова, 7 апрель 2020 - 19:37

619

Бүген Иске Шәйморза авылында гомер итүче тыл ветераны Камалова Мөшфикә Миргасим кызына 90 яшь тулды.

Үзенең юбилей көнендә ул Чүпрәле районы башлыгы Марат Гафаров белән интернет аша сөйләште.
М. Р. Гафаров юбилярны видеоэлемтә режимында котлады һәм аңа нык сәламәтлек, озын гомер, туганнарының һәм якыннарының игътибарын теләде.
Мөшфикә апа Камалова 1930 елның 7 апрелендә Иске Шәйморза авылында туа. Гомер буе XXII партия съезды исемендәге колхозда эшли. II дәрәҗә Ана медале белән бүләкләнгән. Мөшфикә Миргасим кызы биш бала әнисе.