Туган Як
  • Рус Тат Чув
  • Зур Чынлыда авылдашларны искә алып, мәҗлес узды

    Аллаһы Тәгалә үзенең мәрхәмәтле бәндәләренә генә рәхим-шәфкатьле булыр (Хәдис).

    Зур Чынлы авылында дин юлында хезмәт куеп, вафат булган авылдашларыбызны искә алу кичәсе узды. Бәйрәмгә аларның балалары, туганнары, якыннары чакырылган иде.

    Аллаһы Тәгалә безне иң элек уйланырга, бу дөньяны күзәткәндә, өйрәнгәндә акылыбыздан файдаланырга чакыра. Галәмнәрнең Раббысы, хуҗасы һәм барлыкка китерүчесе бар. Аллаһы Тәгалә безне гыйлемгә чакыра, изге гамәлләр эшләргә өнди.

    Авлыбызның остабикәсе Венера апа Рамазанова: "Безгә кадәр килгән буын, әби-бабаларыбыз белем дәрәҗәләре әллә ни югары булмаса да, үзләреннән ислам динен таратуга зур өлеш керткәннәр. Дин, ислам йолаларын үтәп яшәргә чакырганнар. Никах уку, балалга исем кушу, мәет җирләү мәшәкатьләрен җиренә җиткереп үтәгәннәр", дип сөйләп узды.

    Авылдашларыбыз: Байтимиров Атаулла, Хаяров Сафиулла, Шәкүров Вәлиулла, Нәүметов Нетфулла, Шәкүров Зарифулла, Низамов Касыйм, Фәхретдинов Абдулла, Хәйрулин Нурулла, Насыйров Сабирулла, Әхмәтов Ибраһим, Абайдуллов Шәрипҗан, Низамов Сафи иман юлында зур өлеш керткәннәр. Өлкән яшьтәге әбиләребез дә әлеге эштән читтән калмаган. Менә алар: Мистякова Шәрәфәт, Алиева Шәмсеруй, Алтынбаева Әминә, Алимова Минҗамал,Хаярова Хәдичә. Мөхәмәтҗанова Айнелхаят, Хәйруллова Фәсәхат, Мадышева Майҗамал, Тукаева Фәхрибанат, Әмирханова Рокыя.

    Туктамышева Рабига әбине бала тудыруда хатыннарга бик ярдәм итүе хакында сөйлиләр.Мистякова Шәрәфәт әби язулар яза торган була. Килене Әлфия ханым белән гомер кичеп, хәер-фатихасында бакыйлыкка күчкән. Сафина Фәхри әби 32 яшендә тол калып, дүрт бала үстерә, авыруларга ярдәм итә, аяк-куллар утырта торган була. Шараева Факизә апа авылыбызның оста мөнәҗәт укучысы, мәетне соңга юлга озатканда кәфен тегеп, мәет юуу йолаларын башкаручысы була. Шушы әрвахларны искә алып, Юнусова Саимә, Алимова Гөлфирә, Хәлимова Дания, Алтынбаева Розалия кКръән укыдылар. Низамова Гөлсем, Хәнәфиева Румия, Әзмүханова Дания мөнәҗәт әйттеләр. Соңыннан Юсупова Рамилә "Әл-Мөлек" сурәсен укып, әрвахларга дога кылдык.

    Әлеге мәҗлесне оештыручылар Венера апа Рамазанова һәм Рима апа Алиәкбәрова булдылар. Мәҗлескә килгән һәр кеше аларга рәхмәтләрен ирештерде.

    Аллаһ Тәгалә һәркайсыбыга хәерле гомерләр, сәламәтлек, гыйлем, тормышлар насыйп итсен. Аллаһының кушканнарын үтәп, тыйганнарыннан тыелып, динебезне куәтләүче, Пәйгамбәребезнең өммәте булып яшәргә насыйп булсын һәркайсыбызга.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: