Татарстанда “Китапка икенче тормыш бүләк ит” хәйрия акциясе дәвам итә

Әлеге чара кысаларында һәркем үзендә булган яхшы хәлдәге кызыклы китаплар, дәреслекләрне мәктәп китапханәләренә тапшыра ала.

Әлеге акция мәктәпләрне тулы күләмдә кызыклы әдәби әсәрләр, махсус белешмәләр, дәреслекләр белән тәэмин итү максатында уздырыла. Акциядә мәктәп укучыларыннан тыш, барлык татарстанлылар да, шул исәптән оешмалар да, катнаша ала.

Акциянең нәтиҗәләре мәктәп, муниципаль һәм республика дәрәҗәләрендә агымдагы елның октябрь аенда ясалачак. Иң күп китап тапшыручылар Татарстан Республикасы Мәгариф һәм фән министрлыгының Рәхмәт Хатлары белән бүләкләнәчәк.