Туган Як
  • Рус Тат
  • Сыйфатлы һәм уңайлы

    Дәүләт һәм муниципаль хезмәт күрсәтү порталыннан uslugi.tatarstan.ru бүген һәркем файдалана диярлек.

    Порталга керүчеләр игътибарына биредә күп төрле электронлаштырылган хезмәт тәкъдим ителә. Әйтик, балалар бакчаларына чиратка, ЗАГСка язылу, җир мәсьәләләрен хәл итү һ.б, һ.б. Аеруча киң кулланылышта банк карталары ярдәмендә торак-коммуналь хезмәтләр өчен түләүләр башкарыла.

    Дәүләт һәм муниципаль хезмәт күрсәтү порталының кулланучылар өчен уңайлыклар тудыруы һәм хезмәт күрсәтүнең сыйфатын яхшыртуы хакында ТР Премьер-министры Илдар Халиков та чыгышында әйтеп үтте.

    Республикада инфоматлардан файдаланучыларның да шактый булуын билгеләп үтәргә кирәк. Үткән ел республика муниципаль берәмлекләрендә 282 инфомат исәпләнгән. ТР Мәгълүматлаштыру һәм элемтә министры урынбасары Әнисә Гайнуллина әйтүенчә, агымдагы елда әлеге юнәлештә эшчәнлек тагын дәвам итәчәк.

    Нравится
    Поделиться:
    Реклама
    Комментарии (0)
    Осталось символов: