Агымдагы елның 20 мартыннан 30 мартына кадәрге чорда Россия Федерациясенең Генераль прокуратурасы комиссиясе эчке эшләр органнары эшчәнлегендә гражданнарның конституцион хокуклары үтәлешенә күзәтчелек итү буенча Татарстан Республикасы прокуратурасы эшенең ничек куелышын тикшерә.
Шушы уңайдан Татарстан Республикасы прокуратурасы бинасында күрсәтелгән көннәрдә Россия Федерациясе Генераль прокуроры урынбасары С. П. Зайцев Татарстан Республикасында эчке эшләр органнары хезмәткәрләренең законлы эш итүләренә кагылышлы мәсьәләләр буенча гражданнарны кабул итә. Моның өчен 8(843)291-19-25 номерлы телефон буенча алдан язылып куярга кирәк. Язылырга мөмкинлек булмаган очракта, гражданнар үзләренең гаризаларын электрон почта аша РФ Генераль прокуратурасының Идел буе федераль округы идарәсенең интернет-кабул итү сайтына (http// prokpfo.ru) яисә 8(831) 421-47-23 номерлы ышаныч телефонына да җибәрә алалар.
Иң мөһим һәм кызыклы язмаларны Татмедиа Telegram-каналында укыгыз
