Туган Як
  • Рус Тат
  • Пенсияне ничек алырга?

    Мин пенсионер. Күптән түгел башка шәһәргә яшәргә күчендем. Мин пенсиямне ничек алырмын икән, тәртибен аңлатсагыз иде? Камил.

    Әлеге сорауга район пенсия фонды идарәсенең пенсияләрне билгеләү һәм исәпләү бүлеге начальнигы Фәридә Мөхәррәмова җавап бирә.

    Әгәр дә пенсионер тору урынын алмаштыра икән, билгеле ул пенсияне пенсия документлары нигезендә яңа тору урынында ала башлаячак. Моның өчен пенсионерга яңа тору урынындагы пенсия фонды идарәсенә гаризалар һәм тиешле документлар белән мөрәҗәгать итү кирәк булачак. Әгәр дә әле пенсионер кеше яңа тору урыны буенча регистрация үтәргә өлгермәгән булса, фактик тору урынын күрсәтергә кирәк. Бер үк вакытта пенсияне китереп бирү турында да гариза язу соралачак.

    Теги: пенсия
    Нравится
    Поделиться:
    Реклама
    Комментарии (0)
    Осталось символов: