Туган Як
  • Рус Тат Чув
  • Иске Шәйморза урта мәктәбендә сугыш чоры балалары белән очрашу узды

    Сугыш чоры балалары хакында безнең мәктәп коллективы бик күп мәгълүматлар туплады.

    Ветераннарның һәм пенсионерларның өйләренә барып , әңгәмәләр корып, бала вакытлары һәм шаулап-гөрләп, шул ук вакытта зур кыенлыкларны кичеп узган яшь гомерләре турында әңгәмәләр уздырдык. Бүген мәктәптә шушы авылда туып-үскән, барлык гомерен шушы туган авылына багышлаган көчле рухлы, яшәү дәрте бөркелеп торган, аек акыллы авылдашларыбыз белән очрашулар булып үтте. Башлангыч сыйныф укучылары янына Идрисов Альберт Камалетдин улы килде. Балалар Альберт абыйны үз күреп кабул итеп алдылар, аның кызыклы һәм тормыштан алынган мисалларын күңел түрләренә салып куйдылар кебек тоелды.Кайбер сөйләнгән вакыйгалар куркыныч әкият кебек булса да, аның чын икәнлеген аңлыйбыз.Укучылар, йотлыгып , сөйләнгән хикәяләрне тыңладылар, үзләренә әйтелгән теләкләргә бик шатландылар. Бу очрашу укучылар өчен бик файдалы булды: икмәк кадерен,өлкәннәрне хөрмәтләргә кирәклеген алар тагын бер кат исләренә төшерделәр.

    Урта һәм югары сыйныф укучылары Рахимова Шәмсия Җамалетдин һәм Бархиева Флера Гәрәй кызлары белән очрашудан соң ниниди хисләр кичергәннәрен аларның күзләренә карап белеп була иде. Өлкән буын сөйләгән вакыйгаларны алар бик дулкынланып тыңладылар: залда бер тавыш та булмады, хәтта укучыларның тын алганнарына кадәр ишетелә иде. Һәр апа үзенең генә түгел ,ә шул заманда һәр авыл хатын-кызының башыннан үткән хәлен сөйләде: ә бит ул вакыйгалар барчабызның әбиләре һәм бабалары башыннан үткән.Сыйныф җитәкчеләре Бикчурова Зөлфия Мәсхүт кызына һәм Гайнетдинова Гөлүсә Алимҗан кызына,Сатдинова Лилия Тәүфик кызына бу очрашуларны оештырган,бик матур концерт номерлары әзерләгән өчен барлык укучылар исеменнән рәхмәт әйтәсем килә.

    Без үзебезнең сугыш чоры балалары белән горурланабыз, безгә киләчәктә дә изге теләкләр теләп, киңәшләр бирүләрен көтәбез.Без ,үз чиратыбызда, аларга озын гомер, исәнлек-саулык, тыныч илдә безнең уңышларыбызга куанып,кадерле әби-бабайлар булып яшәүләрен телибез.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: