Туган Як
  • Рус Тат Чув
  • Чүпрәледә комбайнчы 1400 килограмм бодай урлаган

    Терлек азыгы әзерләү һәм урып- җыю чорында авыл хуҗалыгы продуктларының, ягулык- майлау һәм башка материал байлыкларның сакланышын тәэмин итү максатыннан район территориясендә "Уңыш" операциясе бара.

    Эчке эшләр органнары хезмәткәрләре тарафыннан оештырылган әлеге чара барышында кайбер гражданнар кыңгыр эш кылганнары өчен "ятмә" гә дә каптылар. 31 июльнең кичке ун сәгатьләре тирәсендә, "Ак Барс- Чүпрәле" агрофирмасы комбайнчысы Матак авылы басуында эшләгәндә 13300 сумлык 1400 килограмм бодай урлый. Хәзер аңа карата Россия Федерациясе Җинаятьләр кодексының 158 маддәсендәге 1 нче бүлекчә буенча җинаять эше кузгатылды. 6 августта, төнге икеләр тирәсендә Татар Бизнәсе авылында автомашина туктатыла. Тикшерү үткәрелгәннән соң ындыр табагыннан алты капчык борчак урланганлыгы ачыклана. 8 августта, Городище авылында "Ак Барс- Чүпрәле" агрофирмасында эшләүче механизатор үзенә беркетелгән комбайннан 80 литр ягулык урлый. Тиздән әлеге гражданнар кылган эшләре өчен закон каршында җавап тотачаклар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: