Чүпрәледә штраф түләмәүче 89 шоферга бөркетмә төзелгән

Шуларның 9- сы мәҗбүри эшкә тартылды, икесе 15 тәүлеккә кадәр төрмәгә утыртылды. Штрафлар белән шаярырга ярамый, суд тарафыннан билгеләнгән бурычны вакытында түләмәгән кешеләрне җитди җәза көтә. Андыйларны заманча компьютер техникасы белән эш итүче автоинспекторлар бик тиз эзләп таба һәм аларны тагын да катырак җаваплылыкка тартачаклар. Закон белән шаяру хокукы берәүгә дә бирелмәгән, аннан читләшеп калучылар да әлегә очраганы юк,- ди ЮХИДИ бүлекчәсе начальнигы, полиция майоры Анатолий Михайлов.