Туган Як
  • Рус Тат Чув
  • Чүпрәле укучылары “Аҗаган- 2016” хәрби- спорт уеннарының финал ярышларында катнашты

    Шушы көннәрдә Алешкин- Саплык урта мәктәбе һәм "Акчарлак" йөзү бассейны базасында "Аҗаган- 2016" хәрби- спорт уеннарының финал ярышлары узды.

    Әлеге чара Бөек Ватан сугышында җиңүнең 71 еллыгына багышланды.Анда район төбәгендә үткән зона ярышларында җиңеп чыккан өч команда: Иске Чүпрәленең 1 номерлы, Уби һәм Иске Шәйморза урта мәктәпләре командалары көч сынашты. Хәрби -спорт уеннары хәрби - тарихи викторина, калашников автоматын сүтеп- җыю, турникта тартылу, пневматик винтовкадан ату, махсус саклану комбинизонын кию, граната ташлау, ике кул белән идәннән этелү, йөгерү һәм йөзү буенча бәйгеләрне үз эченә алган иде. Командаларны башкарма комитет җитәкчесенең социаль мәсьәләләр буенча урынбасары Айрат Җәлалов тәбрикләде. Уеннарның барлык этаплары нәтиҗәләреннән соң Иске Чүпрәленең 1 номерлы урта мәктәбе иң күп балл җыеп җиңү яулады. Уби һәм Иске Шәйморза урта мәктәпләре икенче һәм өченче урыннарны бүлеште.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: