Апас районында авыл хуҗалыгы өлкәсендәге мәсьәләләргә багышланган зонакүләм семинар узды.
Анда Татарстан Республикасы Авыл хуҗалыгы һәм азык-төлек министры Марат Әхмәтов, "Ак Барс Холдинг" компаниясе җитәкчесе Иван Егоров, Апас, Чүпрәле, Буа, Тәтеш, Кама Тамагы, Югары Ослан, Кайбыч районнары башлыклары һәм авыл хуҗалыгы идарәсе җитәкчеләре катнашты. Аларны район башлыгы Рәшид Заһидуллин эшлекле шартларда каршы алды.
Түгәрәк өстәл артында, күзгә-күз карашып, барысын да уртага салып сөйләштеләр җитәкче һәм белгечләр. Әлеге очрашу тәкъдимен Татарстан Республикасы Президенты Рөстәм Миңнеханов җиткергән иде. Марат Әхмәтов республикада барган эшләрне, ирешелгән уңышларны, узган ел нәтиҗәләрен сурәтләде һәм киләчәккә булган максатлар белән таныштырды. Һәр район җитәкчесе үз тәҗрибәсе белән уртаклашты, нәтиҗәле эш алымнары тәкъдим итте.
Иң мөһим һәм кызыклы язмаларны Татмедиа Telegram-каналында укыгыз
