Янып үлгән

Бәйрәмнәр күңелле булсалар да, хәвеф-хәтәрсез булмады. 2 январьда Иске Кәкерле авыл җирлегенә кергән Татар Төкесе авылында мунча янып китсә, 7 январьда исә Яңа Шигали (Звезда авыл җирлеге) авылында янә янгын килеп чыкты. Иң аянычы, анда 1973 елда туган Николай Осипов янып үлде. Янгынның сәбәбе-исерек хәлдә тәмәке тарту һәм төпчеген сүндерми йоклап китү. "Бәйрәм чорында гына түгел, көндәлек тормышта да мондый хәлләр күзәтелү беркемне дә бизәми. Шуңа да авыл җирлекләре башлыкларына әлеге уңайдан халык арасында аңлату эшләрен алып баруны көчәйтү кирәк",- ди районның янгын күзәтчелеге эшчәнлеге бүлеге начальнигы Марс Хәмидуллин.