Иске Чүпрәле күп профильле лицейда "Нәүрүз чибәре"н сайладылар

Әлеге бәйгедә кызларыбызның иң уңганнары, чибәрләре, сылулары, өлгерләре катнашты. Болар 8 нче сыйныфтан Зартдинова Алсу, 10 нчы сыйныфтан Миначева Айгөл, Усманова Гөлназ һәм Якупова Алия. Кызларыбыз үзләренең бөтен осталыкларын күрсәттеләр.Алар тәмле итеп татар - халык ашларын да пешерәләр, кул эшенә дә осталар, матур итеп җырлыйлар, бииләр, шигырь сөйлиләр.Чын татар кызлары менә нинди икән бит! Һәр кызыбыз мактауга лаек.

Бәйрәм җырлар һәм биюләр белән үрелеп барды. Җырчы кызларыбыз Мавзютова Руфинә,Ахметова Аделия, биюче егетебез Багаутдинов Азат бәйрәмгә ямь өстәде. Бәйрәмне 11 нче сыйныф укучысы Нуртдинова Айгөл алып барды. Ә инде "Нәүрүз чибәре - 2016" исеменә Усманова Гөлназ лаек булды.