Утын кирәкмиме?

-Әлеге күркәм эшне башкаруда авылның барлык ир-егетләре дә катнашты, һәркемгә рәхмәт белдерәсем килә,-ди авыл җирлеге башлыгы Ирек Мөхәммәтҗәнов.
Зират чистартылган, әмма шлангалыларның борчулары арткан. Борынгыларның зираттан берни дә алырга ярамый диюләренә карап алар хәзер киселгән агачларны кая да илтә алмыйлар. Бу уңайдан райондашлардан киңәшләр сорап калалар. Әлеге уңайдан "Одноклассники" сайтындагы Шланга авылы төркеме аша мөрәҗәгать белән дә чыкканнар. Моннан тыш, киселгән зур агачларны төяп ташуда техника ярдәме дә таләп ителә аларга.
Зираттагы агачларны ятим-ятимә, мохтаҗлар алса ярый икән. Бу турыда сорашып белештек. Бәлки районда утын кирәк кеше бардыр, килеп төяп китсеннәр, диләр шлангалылар.