Приставлар бурыч белән шаярмаска киңәш итә

Ни кызганыч, хәзерге вакытта административ җаваплылыкка тартылган гражданнар арасында штрафларны үз теләкләре белән түләмәүчеләр дә күп. РФ Административ хокук тәртибен бозулар турындагы кодексының 32.2 статьясы 1 өлеше нигезендә, штрафны административ җавапка тартылган кеше штраф салу турындагы карар үз көченә кергән көннән башлап, 30 көн дәвамында, яисә кичектереп торылган көн яки ваклап түләүнең РФ КоАП 31.5 статьясында күздә тотылган срогы узганчы түләргә тиеш. Россия суд приставлары Федераль хезмәте Идарәсенең Чүпрәле бүлеге начальнигы Ирек Хәлимов әйтүенчә, административ штраф үз вакытында түләнмәгән очракта РФ КоАП 20.25 ст. 1 өлеше нигезендә административ хокук тәртибе бозу турында протокол төзелә. Ә инде протокол нигезендә административ штраф икеләтә арттырыла, яки 15 тәүлеккә административ кулга алу җәзасы күрелә.