Скутерга мотошлемсыз утырырга ярамый

автор, 24 апрель 2014 - 10:31

775

Яз-җәй айлары җитү белән урамнарда скутер, велосипед һәм мотоциклда җилдертүче балалар һәм яшүсмерләр саны аеруча арта. Күп очракта алар, кагыйдәләрне белмәгәнлектән, авария ситуацияләре тудыралар.

-Скутерга бары тик мотошлем киеп утырырга кирәк. Йөртүчегә 16 яшь тулмаган булса, аңа карата төзелгән беркетмә-материаллар балигъ булмаганнар эше буенча комиссиягә тапшырыла. Инспектор, үз чиратында, үсмернең ата-анасына карата административ беркетмә төзи,-ди ЮХИДИ бүлекчәсе начальнигы Анатолий Михайлов.