Очрашу

Кичәне педагог-оештыручы Әлфия Сатдинова 8-11 сыйныф укучылары белән берлектә бик кызыклы итеп әзерләгән иде. Кичәгә Марс урта мәктәбен тәмамлап, бүгенге көндә югары уку йортларында белем алучы студентлар чакырылды. Алар студент тормышының никадәр кызыклы һәм мавыктыргыч булуын тасвирладылар. Бәйрәм кичәсе уен-көлке, җыр-бию, конкурслар белән үрелеп барды. Һәркем аннан күңел күтәренкелеге белән таралышты.