Кичә. Бүген. Иртәгә
Кубок һәм медальләр белән
20 сентябрьдә Апас районында "Аҗаган 2012" республика бәйгесенең зона этабы булып үтте. Әлеге чарада Апас, Буа, Кайбыч, Кама Тамагы, Тәтеш, Чүпрәле районнары командалары катнашты.
Чарада безнең районнан 1 номерлы Иске Чүпрәле урта мәктәбенең "Барслар" командасы (җитәкчесе - тормыш иминлеге нигезләре укытучысы Шамил Таҗетдинов) чыгыш ясады. Команда составында 11 а сыйныфыннан Илнара Басыйрова, Алексей Одинцов, Эльмира Салихова, Ирина Шленская һәм 11 б сыйныфыннан Раил Аббазов, Аяз Асадуллин, Илшат Ахметов, Ленар Салахов, Әмир Нуруллин (командир) бар иде. Ярышлар берничә төрдәге юнәлешләрдә уздырылды: визит карточкасын тәкъдим итү, плакатлар яклау, команданың әзерлеген күрсәтү, каршылыклар полосасын үтү, мылтыктан ату, АК-74 автоматын сүтеп җыю, төрле хәрби һөнәр ияләре конкурсы һ.б.
Әлеге ярышлар буенча безнең команда түбәндәге нәтиҗәләргә иреште: "Сафта яхшы, сугышта көчле" конкурсында - өченче урын; "Сәламәт тәндә сәламәт акыл" конкурсында - беренче урын; тәрҗемәчеләр конкурсында - беренче урын.
Гомуми ярыш нәтиҗәләре буенча "Барслар" командасы өченче призлы урынга лаек дип табылды. Командага грамоталар, кубок һәм медаль тапшырылды.
Следите за самым важным и интересным в Telegram-каналеТатмедиа
Нет комментариев