"Кояшкай" балалар бакчасында Нәүрүз бәйрәме

Иске Чүпрәле авылындагы 1 номерлы "Кояшкай" балалар бакчасында үткән "Нәүрүз"-Яңа көн бәйрәме татар халкының милли традицияләре һәм мәдәнияте асылын балалар күңеленә сеңдерү максатында әзерләнгән иде.

Бакча мөдире Елена Нуретдинова:

-Без мондый бәйрәмнәр аша балаларда миили гореф-гадәтләргә карата хисчән тойгылар уятабыз,-диюе белән дә хаклыдыр.

Балалар әби-бабайлары кигән милли киемнәрдә килгәннәр. Өстәл өстенә әниләр пешергән чәк-чәкләр. Кош телләре куелган. Җитәкче сүзен методист Эльвира Әмирханова, музыка җитәкчесе Алсу Әхсәнова, өлкән төркем җитәкчесе Фирдәүсә Ильязова һәм башка тәрбиячеләр күзаллавында бәйрәмнең уңышлы үтүе дә дәлилли.

Балалар яз турында шигырьләр сөйләп, җырлар җырлап Убырлы карчык яшергән Нәүрүзбикәне эзләп таптылар. Кыш бабай белән ярышканда да Нәүрүзбикәгә ярдәмгә килделәр.