Иске Кәкерледә шашка-шахмат турниры үтте

Әлеге традициягә быел да тугры калып, шушы көннәрдә бу төр спортны сөючеләр авыл мәдәният йортына җыелдылар.

Шашка-шахмат ярышлары уйлау-фикерләне туплауга юнәлдерелгән бердәнбер спорт уеныдыр, мөгаен. Шуңа да ул күп вакыт сарыфлауны таләп итә.

Турнирга җыелган 40лап мәктәп укучысы да бу көнне 4-5 сәгать дәвамында бер-берсе белән көч сынашты. Уенның нәтиҗәсен һәркем үз уңышында күрергә теләде. Әмма, билгеле, җиңүчеләр күп булмый. Яшь аерымлыклары буенча беренче өчлеккә кергән һәркемгә авыл җирлеге башлыгы Сәхаутдин Хөсәенов бүләкләр һәм Грамоталар тапшырды. Ә беренчелекне исә түбәндәге укучылар яулады: Нияз Салахов, Ильдан Шәрәфетдинов, Ильмира Иматдинова, Айгөл Иматдинова, Ранис Фаткуллин, Илназ Алиев.