Ышаныч тартмасы

Мондый төр тартмалар авыл җирлекләрендә һәм район Башкарма комитетының фойесында урнаштырылачак. Ышаныч тартмаларының урнаштырылуының беренчел максаты булып, гражданнардан коррупция фактлары турындагы язмалар кабул итү тора. Һәр кабул ителгән язма җентекләп тикшереләчәк, язманың исем-фамилиясе куелмаган очракта аңа "аноним" дип язылачак. Билгеле, соңгы төрдәге язмалар комиссия тарафыннан каралачак, әмма җавапсыз калдырылачак. Шулай ук, коррупция фактларына кагылышы булмаган язмалар район Советы аппаратының гомум бүлегенә җибәреләчәк.