Чүпрәледә тагын бер парк үз исемен алды

Ул элеккеге СССРның авиапромышленность министры, генерал-полковник, ике тапкыр Социалистик Хезмәт Герое, Уби авылында туып-үскән, якташыбыз Петр Васильевич Дементьев исемен йөртәчәк. Әлеге паркта гамәлдән чыгарылган хәрби техника урнаштырылачак. Бүгенге көндә биредә берничә экспонат: самолёт, вертолёт, гаубица халык игътибарына тәкъдим ителә. Исегезгә төшерәбез, 2015 ел Парклар һәм скверлар елы дип игълан ителде.