Чүпрәледә 2000нән артык чәчәк утыртылды

Елның-елында әлеге эшне "Фламинго" җәмгыяте хезмәткәрләре башкара. -Әлеге эшкә быел да зур җаваплылык хисе белән тотындык,- диләр алар. -Башлап Үзәк урамны, аннан район үзәгендәге паркны матурайтачакбыз. Барлыгы җиде төрле чәчәк утыртабыз. Сальвия, бархатцы, петуния кебекләре дә бар. Әлеге сортлар салкыннарга чыдам һәм көзнең соңгы көннәренә кадәр чәчәктә утыралар. Чәчәкләрне Ульяновск өлкәсеннән кайтаралар. Сулар сибүне дә үзебез башкарабыз,-диләр чәчәк үстерүчеләр.

Чәчәкчеләребезнең исемнәрен дә әйтеп үтик: Ирина Ягашкина, Людмила Фадеева, Люся Фадеева, Илһам Айнуллов, Марина Ларионова, Әлфия Шарапова, Зөлфия Айнуллова. Дамир Низамов чәчәкләрне кайтара, ә Фанис Яруллин су сибә.

Бу көннәрдә, шулай ук, һәр оешма-предприятие вәкилләре дә үз территорияләрен матурайту, клумбалар ясап, чәчәкләр утырту белән мәшгуль.