Лицей укучылары Казанда узган VIII республика химия турнирында 3 урын яулады

Иске Чүпрәле күппрофильле лицее укучылары командасы  Казанда узган VIII республика химия турнирында катнаштылар.

Иң көчле көндәшләр белән “акыл” ярышларында лицей укучылары командасы гадел рәвештә III урынны яулады.

“Әлбәттә, җиңү җиңел бирелмәде. Турнирга укучылар җитди әзерләнделәр. Күп кенә химик тәҗрибәләр эшләнде, алдан алынган темалар буенча күп мәсьәләләрне чишәргә туры килде”,-ди югары категорияле химия укытучысы Ирина Ильина. –Укучыларыбыз  «Химия һәм сәяхәт» темасына багышланган турнирдан яңа белемнәр, тәҗрибә һәм күңелле тәэсирләр алып кайттылар.