Иске Шәйморза авылында «Әниемнең җылы кочагы»дип исемләнгән кичә узды

Иске Шәйморза авылында ветераннар советы "Әниемнең җылы кочагы"дип исемләнгән кичә үткәрде.  Бәйрәмдә озак еллар хатын-кызлар Советында хезмәт куйган гүзәл затларыбыз катнашты.

Төрле һөнәр кешеләре булуга карамастан, аларны гаиләгә тугрылык, ата-анага ихтирам, балаларга мәхәббәт берләштерә.

Һәрберсенең үзенең гаилә тарихы. Ә гаилә тарихы ил тарихы белән үрелеп бара. 20-гасыр башында яшәгән әти-әниләренең авыр язмышларының уртак булуын да беләбез. Шунын өчен дә алар бүген ихтирамга, игътибарга, хөрмәткә лаек буын.

Кунакларны авыл җирлеге башлыгы Илһамия Дәүләтша кызы Мохитова 8-Март, Халыкара хатын-кызлар көне белән котлады һәм авылыбыз тормышында актив булганнары өчен зур рәхмәтләрен белдерде.

Бәйрәм чәй табыны артында, әниләр турында хатирәләр уртаклашып дәвам итте.