Иске Чүпрәледә яшәүче Мартыновларга коляска бүләк иттеләр

Быел гына әле район үзәгеннән йорт сатып алдык. Александр әлеге йортны үз куллары, үз көче белән генә диярлек ремонтлап чыкты. Өйне зурайтып, аңа янкорма төзедек, мунча салдык.

Әйтергә теләгәнем, район җирлеге авыл дип исәпләнелсә дә, шәһәрдәгедән кайтышлы булмаган шартларны тудырып, хәтта аннан да әйбәтрәк иттереп яшәп була. Шушы беренче балабыз Арсений турындагы кайгыртучанлыкны да ассызыклыйсым килә. "Балага коляска кирәк", дигәч җәй көннәрендә бер колясканы Ульян шәһәрендә яшәүче Дамир хәзрәт бүләк итеп биргән иде. Әмма ул өлкәннәр өчен булып чыкты, коляска кирәклеге проблемасы актуаль булып кала бирде. Һәм менә шушы көннәрдә генә район башлыгы Александр Шадриков безгә нәкъ менә Арсенийыбызга кирәк булган колясканы китерде. Тезләренә генә басып хәрәкәтләнә алган балабызның һәм үзебезнең шатлануыбызны бер күрсәгез! Райондагы "Благодарение" фондыннан коляска алынды, диделәр, инвалид балалар өчен оештырылган "Район башлыгы чыршы бәйрәменә" чакыру калдырып киттеләр. Рәхмәттән гайре сүзебез юк, билгеле. Районда һәр инвалид бала күз уңында, дип уйлыйм. Алар белән эшләү шундый конкрерт итеп куелган ки, социаль хезмәткәрләр, җаваплы җитәкчеләр андый балаларны танып белә, аларны кайгыртып тора. Шәһәрдә булса, мәсәлән, күпсанлы мондый төркем арасында югалып та калыр идек әле.

2017 елда гаиләбез тагын бер кешегә тулыланды - кызыбыз Яна туды. Тормыш дәвам итә. Һәркемгә саулык-бәхет телим.