Чүпрәледә яңа ФАП һәм капиталь төзекләндерүдән соң, балалар бакчалары ачылды

-Районыбыз республикада эшләп килүче 30лап программада катнаша,социаль объектларны сафка бастыру юнәлешендә күп эшләр башкарыла. Юллар да төзелә, "Чиста су" программасы буенча да күп кенә авылларда эшләр төгәлләнде. Бүген исә районда унынчы фельдшер-акушерлык пунктын файдалануга тапшырабыз. Капиталь төзекләндерүдән соң, балалар бакчаларын ачабыз. Яңа сафка баскан һәм төзекләндергән биналарыбыз халыкка игелекле хезмәт күрсәтсен, - диде район башлыгы Александр Шадриков.

Социаль-мөһим объектларны ачу тантанасында катнашкан РФ Дәүләт Дкмасы һәм ТР Дәүләт Советы депутатлары Илдар Гыйльметдинов һәм Ринат Гайзатуллин район халкын олы бәйрәм белән котлап, фельдшерлык-акушерлык пуктнына бары тик профилак чаралар үтү өчен генә килүләрен, ә балалар бакчаларында сабыйларның һәрвакыт шат авазлары яңгырауларын теләделәр.

Медицина пунктында фельдшер кабинеты, процедуралар бүлеге урнашкан, пункт заманча медицина җиһазлары һәм яңа мебель белән җиһазланган.

- Без шундый зур бүләк өчен республикабыз һәм район җитәкчеләренә рәхмәтлебез. Пациентларны кабул итү өчен бөтен шартлар тудырылган, без дә үз чиратыбызда аларга сыйфатлы хезмәт күрсәтергә тырышачакбыз, - дип сөйли ФАП мөдире, 31 ел шушы хезмәткә гомерен багышлаган Людмила Павлова.

Өлкән яшьтәге Валентина Сенатова да республика һәм район җитәкчелегенә, шулай ук төзүчеләргә яңа ФАП өчен рәхмәт белдерде, җирле фельдшер Людмила Павлованың үз эшен тел тидермәслек итеп башкарганын билгеләп үтте.

Яңа ачылган фельдшер-акушерлык пункты 347 кешегә хезмәт күрсәтәчәк. Шуның 83е балалар. Алар арасында 28-е 1 яшькә кадәргеләр. 60 тан да өлкән яшьтәге кешеләрнең саны -70 кә якын. Вафат булучылар саны да аз бу авылда, ел башыннан 2 генә кеше бакыйлыкка күчкән.

Яңа төзекләндерелгән Кече Уби балалар бакчасына 20 ләп бала йөри. Бакча мөдире Зинаида Саландаева әйтүенчә, элеккеге бина совет елларында ук сафка баскан булган. Аның яңартылуына әти-әниләр дә бик куанган.

Ә менә 1 номерлы Иске Чүпрәле "Кояшкай" балалар бакчсында төзекләндерү эшләре моннан берничә ел элек башланган иде. Бинаның тәрәзәләре, түбәсе алмаштырылды, тирә-яны матурайды, яңа уен мәйданчыклары барлыкка килде. Агымдагы төзекләндерү эшләрендә бинаның эчке ягы тулысынча диярлек яңартылды.

Районда балалар саны буенча иң эреләрдән саналган бу бакчага бүген 150 ләп бала йөри, төркемнәрдә 30лап бала исәпләнә. Әлеге мәктәпкәчә белем бирү учреждениесе республика күләмендә үткәрелгән "Иң әйбәт билингваль балалар бакчасы" исеменә дә районда беренчеләрдән лаек булды. Аның нигезендә биредә балалар белән эшләү өчен заманча җиһазлар белән баетылды.

Тантаналы ачылышта РФ Дәүләт Думасы депутаты Илдар Гыйльметдинов бинаның шәһәрдәгечә заманча булуын бигеләп үтте. Быел гына да ресублика буенча 100дән артык белем бирү учреждениеләренә төзекләндерү эшләрү алып барылганлыгын билгеләде, бу эшләргә РФ бюджетыннан да матди чаралар каралганлыгын әйтте. Алдагы елларда да бу эшләрнең дәвам итәчәген ассызыклады.

Кунаклар яңа ачылган биналарның эченә үтеп уңайлыклары белән таныштылар, шулай ук, бакчаларда балаларның көндәлек тормышлары белән кызыксындылар.

ФОТОРЕПОРТАЖ Открытие нового ФАП и детского сада после капитального ремонта в селе Малые Убеи Дрожжановского района

Открытие детского сада "Солнышко" в Дрожжановском районе после капитального ремонта